Plantun de Prouvènço

Pèr coumpara dos planto d'encò nostre

Helictotrichon sedenense & Grimmia orbicularis

Helictotrichon sedenense

Poaceae Graminaceae

Nom en français : Avoine de Seyne.

Descripcioun :
Civado renadivo que trachis dins li tepiero roucaiouso e lis esboudèu de mountagno. Coume tóuti li Helictotrichon porto de costo que se vèson bèn sus lou dessubre di fueio. Lis espiguet (emé au mens dos flour qu'an uno arèsto) soun lusènt e un pau vióulet, li fueio soun plano e mai larjo que 1 mm (fotò). La lengueto èi courteto e cihado.

Usanço :
Es uno bono erbo pasturiero pèr lou fedan.

Port : Erbo
Taio : 30 à 70(90) cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Helictotrichon
Famiho : Poaceae
Famiho classico : Graminaceae

Ordre : Poales

Coulour de la flour : Vióuleto
Petalo : ges
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 1700 à 2200 m
Aparado : Noun

Liò : Tepiero roucaiouso - Esboudèu - Mountagno mejano
Estànci : Mountagnard à Subaupen
Couroulougi : Ouroufito-Ouèst-Mediterranenco
Ref. sc. : Helictotrichon sedenense (Clarion ex DC.) Holub, 1970 (= Avena montana Vill., 1787 )

Grimìo-di-boursèu-redoun

Grimmia orbicularis

Grimmiaceae

Nom en français : Grimmie orbiculaire.

Descripcioun :
Aquesto mousso coumuno dóu gènre Grimmia trachis en couissin gris, sourne e redoun sus li roucas cauquié. Coume quàsi tóuti li mousso dóu meme gènre si fueio soun acabado pèr uno longo ciho ialino. Fai eisadamen d'espouroufite clina que de verd devènon aranjo.

Usanço :
Se destrìo de Grimmia pulvinata, enca mai coumuno, bonodi soun urno redouno (acabado emé uno pouncho pèr Grimmia pulvinata) e subretout au microuscope que si celulo de baso de fueio soun 4 à 8 cop pu longo que larjo (quàsi carrado pèr Grimmia pulvinata). Coumpara emé la grimìo-en-couissin que ié sèmblo proun.